Живот и дело

Блаже Конески (Небрегово, 1921 – Скопје, 1993) е еден од основоположниците на македонистиката и македонската филологија и учесник во кодификацијата на современиот македонски литературен јазик.
Бил истакнат професор, лингвист, литературен историчар, поет, прозаист, есеист, публицист и преведувач. Учествувал во втемелувањето на низа стожерни образовни и културно-уметнички институции, здруженија и манифестации.
Институционално наследство
Универзитет „Св. Кирил и Методиј“ во Скопје
Ректор, 1958–1963
Македонска академија на науките и уметностите
Прв претседател, 1967–1975
Друштво на писателите на Македонија
Прв претседател, 1947
Македонски ПЕН центар
Учествувал во неговото втемелување.
Струшки вечери на поезијата
Учествувал во нивното втемелување.
Конески е научник и писател со бележита меѓународна репутација, член на неколку академии на науките и уметностите, почесен професор на низа еминентни универзитети и лауреат на значаен број македонски и меѓународни награди и признанија. Покрај во МАНУ, членувал и во ЈАЗУ, ХАЗУ, САНУ и САЗУ.
Награди и признанија
- Браќа Миладиновци
- Хердерова награда
- Његошова награда
- Златен венец на Струшките вечери на поезијата
- Ацо Шопов
- Скендер Куленовиќ
- Награда АВНОЈ
- 11 Октомври
- 13 Ноември
- Рациново признание
Научен и есеистички опус
- Македонски правопис со правописен речник (со Крум Тошев)
- Граматика на македонскиот литературен јазик, прв дел
- За македонскиот литературен јазик
- Граматика на македонскиот литературен јазик, втор дел
- Речник на македонскиот јазик
- Историја на македонскиот јазик
- Речник на македонскиот јазик, книга втора
- Речник на македонскиот јазик, книга трета
- Јазикот на македонската народна поезија
- Македонскиот 19. век, јазични и книжевно-историски прилози
- Тиквешки зборник
- Македонски места и теми
- Небесна река
- Светот на легендата и песната
Поетски и прозен опус
Блаже Конески е еден од доајените на македонската современа поезија.
- Мостот
- Земјата и љубовта
- Песни
- Везилка
- Песни
- Стерна
- Записи
- Стари и нови песни
- Лозје и песни во проза; Места и мигови
- Чешмите
- Црква
- Златоврв
- Сеизмограф
- Небесна река
- Црн овен
Конески е автор и на книгите раскази и куси прози:
- Лозје (1955)
- Дневник по многу години (1988)
Преведувачки опус
Неговиот преведувачки опус е импресивен. Препејувал врвни поетски остварувања од германски — Хајне; руски — Блок, Брјусов, Мајаковски; полски — Мицкјевич, Словацки, Крашињски; чешки — Маха, Неруда, Незвал; српски — Његош, Максимовиќ; и словенечки — Прешерн.
Неговата поезија е преведена на голем број јазици.