„Како си ми?“ е студентска филолошка конференција организирана од студенти на Филолошкиот факултет „Блаже Конески“ во Скопје.
Идејата на конференцијата е да го поттикне интересот на студентите за истражувачка работа, јавна презентација и дискусија на теми што ги интересираат во текот на студиите. На студентите им се дава можност своите академски интереси да ги претстават пред колеги, професори и други љубители на филологијата.
Иницијативата започнала во февруари 2015 година и прераснала во традиционален настан на кој учествуваат студенти од Филолошкиот факултет, од други факултети во земјата и од странство. По излагањата се развиваат дискусии на актуелни теми од различни области на филологијата.
Организацискиот тим работи волонтерски и организира и придружни активности, предавања, работилници и неформални дружења.
Изданија на „Како си ми?“
7 ноември 2026 година
Конференцијата ќе се одржи во сабота, 7 ноември 2026 година, со почеток во 12:00 часот, во живо на кампусот на Филолошкиот факултет „Блаже Конески“.
За излагачите од странство кои не се во можност физички да присуствуваат е предвидена можност за онлајн учество преку Zoom.
Кој може да учествува
- студенти на прв циклус студии
- студенти на втор циклус студии
- студенти од универзитети во Република Северна Македонија и од странство
- дипломирани и магистрирани студенти во тековната 2025/2026 студиска година
Формат
Поединечно или групно излагање со траење од 10 минути.
Теми
Филологија, лингвистика, книжевност, култура, методика, филозофија, преведување и толкување, како и споредбени, интермедијални и интердисциплинарни теми.
Работни јазици
Македонски и англиски јазик.
Рокови
- Рок за пријавување: 26 октомври 2026 година во 00:00 часот
- Известување за прифатени апстракти: 31 октомври 2026 година
- Рок за испраќање на текстовите: 31 јануари 2027 година
За пријавување се испраќаат лични податоци за сите учесници, тема и јазик на излагање и апстракт од 150 до 200 зборови на kakosimi.flf@gmail.com, во приложен Microsoft Word документ.
Важно
Трошоците за патување и сместување се на товар на учесниците.
Во одредени случаи може да се обезбеди ограничен број места за сместување, за што е потребно навремено известување при пријавувањето.
Контакт и следење
Организациски тим на „Како си ми?“
kakosimi.flf@gmail.com