НАУКА

Е-библиотеки и бази

Пристап до електронски бази

Web of Science

Со поддршка на Министерството за образование и наука, Универзитетот „Св. Кирил и Методиј“ во Скопје има обезбеден институционален пристап до Web of Science, една од водечките светски платформи за пребарување, индексирање и анализа на научни публикации.

Web of Science овозможува пребарување научна литература од различни области, следење на цитираноста и истражувачките трендови, анализа на научното влијание и откривање можности за соработка со истражувачи и институции.

Пристап и регистрација

Институционалниот пристап до Web of Science е обезбеден преку IP-адресите на УКИМ.

За првична регистрација, потребно е да пристапите до платформата преку универзитетската мрежа, да ја изберете опцијата Register и да креирате личен профил со вашата службена е-пошта.

По успешната регистрација, можете да се најавувате на платформата и надвор од универзитетската мрежа со вашите кориснички податоци.

Обуки и дополнителни ресурси

Web of Science нуди бесплатни онлајн обуки, вебинари и едукативни материјали за пребарување научна литература, следење на цитираноста и користење библиометриски показатели.

Дополнително, преку Journal Citation Reports (JCR) може да се истражуваат научни списанија и показатели како Journal Impact Factor™.

Scopus и Scopus AI

Согласно новиот тригодишен договор меѓу Министерството за образование и наука и Elsevier, обезбеден е надграден пристап до научната база Scopus, која сега ја вклучува и алатката за вештачка интелигенција Scopus AI.

Scopus AI го олеснува пребарувањето и овозможува синтетизирање на информации од научната литература.

Пристап и регистрација

Пристапот до Scopus се остварува на истиот начин како и претходно. Постојните кориснички профили на академскиот кадар и студентите на УКИМ остануваат активни.

За првично креирање кориснички профил потребно е да се пристапи преку IP-адресите на УКИМ. По регистрацијата, пристапот е возможен и надвор од универзитетската мрежа.

За институционална најава, на платформата Scopus изберете Sign in → Sign in via your organization, потоа изберете Ss. Cyril and Methodius University in Skopje и продолжете со институционалната најава.

JSTOR, Cambridge Core и EBSCO

Електронски библиотеки и платформи

OpenEdition — Електронски ресурси од областа на хуманистичките и општествените науки.

Elgar Online — Онлајн платформа за изданијата на Edward Elgar Publishing.