Проекти

DAFLS – Развивање вештини по применети странски јазици

Еразмус+ проект за развој на додипломски и последипломски студиски програми по применети странски јазици.

За проектот

Филолошкиот факултет „Блаже Конески“ – Скопје се вклучи во меѓународниот проект DAFLS (Developing Applied Foreign Language Skills / Развивање на програма за додипломски и последипломски студии по применети јазици), поддржан од програмата Erasmus+.

Цел и студиски програми

Основната цел е Филолошкиот факултет „Блаже Конески“, заедно со Филолошкиот факултет при Универзитетот во Белград, да дизајнира и развие додипломски и постдипломски студиски програми по применети странски јазици.

Новите програми ја збогатуваат понудата за изучување јазици и ја зголемуваат можноста за вработување на идните дипломци и постдипломци. Покрај специфичните јазични вештини, студентите стекнуваат компетенции од правото, економијата и проектниот менаџмент. Потребата од ваков стручен кадар е очигледна во контекст на глобализациските и евроинтеграциските процеси во Скопје и Белград.

Партнери

Носител е Универзитетот Каен во Франција, кој има четириесетгодишно искуство во создавање стручен кадар по применети странски јазици. Во проектот учествуваат и Филолошкиот факултет при Универзитетот во Белград, Европската асоцијација за локална демократија — АЛДА Скопје — и Филолошкиот факултет „Блаже Конески“ при УКИМ.

Почеток и траење

Првите состаноци на кои партнерите го претставија проектот се одржаа онлајн на 4 и 5 ноември 2020 година. Проектот траеше до август 2023 година.

Ресурси